عن مضافة
مضافة منصة ألعاب جماعية سورية بالعربي: خرّاط، مافيا، غشيم، مين قالها؟، عالطاير، الحكواتي. ببلاش، من الجوال، أونلاين أو على الواي فاي.
- خرّاط (لعبة الأجوبة المزيّفة، ٢–١٢ لاعب): سؤال، وكل واحد بيكتب جواب مزيّف يقنع فيه الباقيين، وبعدين الكل بيدوّر على الجواب الصحيح بين الخرطات. طريقة اللعب
- مافيا (لعبة الأدوار السرية، ٥–١٢ لاعب): بالحارة مافيا مخبّايين بين الأهالي. بالليل كل دور بيشتغل بالسر، وبالنهار بتتناقشوا وبتصوّتوا مين يطلع. الجوال هو الراوي. طريقة اللعب
- غشيم (لعبة «برا السالفة»، ٣–١٢ لاعب): الكل بيوصله نفس السالفة إلا واحد: الغشيم. بتسألوا بعض بالدور بدون ما تفضحوها، وبعدين بتصوّتوا مين الغشيم. طريقة اللعب
- مين قالها؟ (لعبة «مين كتب الجواب؟»، ٣–١٢ لاعب): سؤال شخصي مهضوم، وكل واحد بيكتب جواب حقيقي بدون اسم، والباقي بيخمّن مين كتبه. طريقة اللعب
- عالطاير (لعبة الكلمات للفرق، ٤–١٢ لاعب): فريقين حمام و٢٥ كلمة. الكشّاش بيلمّح بكلمة وحدة ورقم، وسربه لازم يلقط كلماته عالطاير. طريقة اللعب
- الحكواتي (لعبة الحكايات الجماعية، ٣–١٢ لاعب): كل واحد بيبلّش حكاية، وبيكمّل حكايات غيره سطر سطر بدون ما يشوف غير آخر سطر. بالآخر بتنقرا كلها وبتصوّتوا على أهضم سطر. طريقة اللعب
أسئلة شائعة
شو هي مضافة؟
مضافة (Madafeh) منصة ألعاب جماعية سورية بالعربي، ألعاب سهرات ولمّة بتنلعب من الجوال. فيها ٦ ألعاب: خرّاط، مافيا، غشيم، مين قالها؟، عالطاير، الحكواتي.
هل الألعاب ببلاش؟
إي، كل الألعاب ببلاش، وبلا تسجيل حساب.
لازم نزّل تطبيق؟
لا. بتنلعب من متصفح الجوال على madafeh.app. وفي كمان تطبيق أندرويد بيخلي جوالك يستضيف لعبة على الواي فاي بلا إنترنت.
كم لاعب بيلزم؟
من ٢ لـ١٢ لاعب حسب اللعبة: خرّاط من ٢، غشيم ومين قالها؟ والحكواتي من ٣، عالطاير من ٤، ومافيا من ٥.
فيني إلعب مع أصحابي إذا كل واحد ببلد؟
إي. أونلاين بتبعتلهم رابط اللعبة أو رمزها، وكل واحد بيدخل من جواله وين ما كان.
بأي لهجة الألعاب؟
باللهجة الشامية السورية، والأسئلة عن سوريا والشام والعالم: أمثال، أكل، دراما، رياضة، جغرافيا وغيرها.
شو بيلزمنا لنلعب؟
جوال لكل لاعب. والشاشة الكبيرة (تلفزيون أو لابتوب) اختيارية لخرّاط.
شو أحسن لعبة لسهرة العيلة؟
خرّاط ومين قالها؟ بيناسبوا كل الأعمار، ومافيا وغشيم أحلى للشلّة الكبيرة.