طريقة لعب عالطاير
فريقين حمام و٢٥ كلمة. الكشّاش بيلمّح بكلمة وحدة ورقم، وسربه لازم يلقط كلماته عالطاير.
- فريقين: حمام الرمّان وحمام الفستق، و٢٥ كلمة عالشاشة. بكل فريق «كشّاش» بالدور، شايف لمين كل كلمة.
- الكشّاش بيعطي تلميح: كلمة وحدة ورقم (قديش كلمة إلها علاقة فيه).
- السرب بيأشّر عالكلمات من جوالاتهن، والكلمة بتنكشف لما تتفق أكترية الفريق.
- انتبهوا من كلمات الجيران، وأوعكن من البومة: اللي بيكشفها بيخسر. أول فريق بيكشف كل كلماته بيربح.
٤–١٢ لاعب · ١٥–٢٥ دقيقة. أكتر من ٤٠٠ كلمة بالعربي، وما بتتكرر بنفس الغرفة.